ਹਮਦਰਦੀ ਕਿਵੇਂ ਦਿਖਾਉਣੀ ਹੈ?

ਇਹ ਮਹੱਤਵਪੂਰਨ ਹੈ ਕਿ ਤੁਸੀਂ ਹਮਦਰਦੀ ਦਿਖਾਓ, ਭਾਵੇਂ ਡਿਮੈਂਸ਼ੀਆ ਨਾਲ ਜੀ ਰਿਹਾ ਕੋਈ ਵਿਅਕਤੀ ਇੱਕੋ ਸਵਾਲ ਨੂੰ ਵਾਰ-ਵਾਰ ਦੁਹਰਾ ਰਿਹਾ ਹੋਵੇ, ਜਾਂ ਇੱਕ ਦੂਜੇ ਨੂੰ ਸਮਝਣਾ ਬਹੁਤ ਜ਼ਿਆਦਾ ਔਖਾ ਹੋ ਜਾਂਦਾ ਹੈ। 

ਤੁਹਾਨੂੰ ਯਾਦ ਰੱਖਣ ਦੀ ਲੋੜ ਹੈ ਕਿ ਡਿਮੈਂਸ਼ੀਆ ਇੱਕ ਬਿਮਾਰੀ ਹੈ ਜੋ ਗੱਲਬਾਤ ਨੂੰ ਔਖਾ ਬਣਾ ਸਕਦੀ ਹੈ। ਉਦਾਹਰਨ ਲਈ, ਡਿਮੈਂਸ਼ੀਆ ਨਾਲ ਜੀ ਰਿਹਾ ਵਿਅਕਤੀ ਸ਼ਾਇਦ ਭੁੱਲ ਗਿਆ ਹੋਵੇ ਕਿ ਉਸਨੇ ਹੁਣੇ ਕੀ ਕਿਹਾ ਹੈ। ਤੁਹਾਨੂੰ ਵਾਧੂ ਕੋਸ਼ਿਸ਼ ਵਰਤਣ ਅਤੇ ਉਸ ਵਿਅਕਤੀ ਨਾਲ ਧੀਰਜ ਰੱਖਣ ਦੀ ਲੋੜ ਹੈ ਜਿਸਦੀ ਤੁਸੀਂ ਦੇਖਭਾਲ ਕਰਦੇ ਹੋ। 

ਆਓ ਇੱਕ ਉਦਾਹਰਨ ‘ਤੇ ਨਜ਼ਰ ਮਾਰੀਏ 

ਨਿਰਮਾਨ ਅਕਸਰ ਆਪਣੀ ਭੈਣ ਜੋਤ ਨੂੰ ਮਿਲਣ ਜਾਂਦਾ ਹੈ, ਜਿਸ ਨੂੰ ਡਿਮੈਂਸ਼ੀਆ ਹੈ। ਜੋਤ ਦੇ ਪਤੀ ਦਾ ਛੇ ਮਹੀਨੇ ਪਹਿਲਾਂ ਦਿਹਾਂਤ ਹੋ ਗਿਆ ਸੀ। ਜਦੋਂ ਨਿਰਮਾਨ ਮਿਲਣ ਜਾਂਦਾ ਹੈ, ਤਾਂ ਜੋਤ ਅਕਸਰ ਪੁੱਛਦੀ ਹੈ ਕਿ ਉਸਦਾ ਪਤੀ ਕਿੱਥੇ ਹੈ। ਨਿਰਮਾਨ ਨੂੰ ਇਹ ਮੁਸ਼ਕਲ ਲੱਗਦਾ ਹੈ। ਉਹ ਜਾਣਦਾ ਹੈ ਕਿ ਜੋਤ ਆਪਣੇ ਪਤੀ ਨੂੰ ਯਾਦ ਕਰ ਰਹੀ ਹੈ ਅਤੇ ਹੋ ਸਕਦਾ ਹੈ ਕਿ ਉਹ ਭੁੱਲ ਗਈ ਹੋਵੇ ਕਿ ਉਸਦੀ ਮੌਤ ਹੋ ਗਈ ਸੀ। ਨਿਰਮਾਨ ਹੋਰ ਚੀਜ਼ਾਂ ਬਾਰੇ ਸਵਾਲ ਪੁੱਛ ਕੇ ਉਸਦਾ ਧਿਆਨ ਭਟਕਾਉਣ ਦੀ ਕੋਸ਼ਿਸ਼ ਕਰਦਾ ਹੈ, ਜਿਵੇਂ ਕਿ: “ਤੁਹਾਡਾ ਦਿਨ ਕਿਵੇਂ ਰਿਹਾ?” ਜੋਤ ਵਾਰ-ਵਾਰ ਇਹ ਪੁੱਛਦੀ ਰਹਿੰਦੀ ਹੈ ਕਿ ਉਸਦਾ ਪਤੀ ਕਿੱਥੇ ਹੈ।