ਭੋਜਨ ਦਾ ਸਮਾਂ ਦੇਖਭਾਲ ਕਰਨ ਵਾਲਿਆਂ ਲਈ, ਡਿਮੈਂਸ਼ੀਆ ਨਾਲ ਜੀ ਰਹੇ ਵਿਅਕਤੀ ਵਾਸਤੇ ਆਪਣੀ ਦੇਖਭਾਲ ਅਤੇ ਸਹਾਇਤਾ ਦਿਖਾਉਣ ਦਾ ਵਧੀਆ ਮੌਕਾ ਹੁੰਦਾ ਹੈ। ਭੋਜਨ ਦਾ ਆਨੰਦਦਾਇਕ ਮਾਹੌਲ ਉਹਨਾਂ ਨੂੰ ਖਾਣ-ਪੀਣ ਲਈ ਉਤਸ਼ਾਹਿਤ ਕਰਨ ਵਿੱਚ ਮਦਦ ਕਰ ਸਕਦਾ ਹੈ। ਆਓ ਦੁਬਾਰਾ ਇੱਕ ਉਦਾਹਰਨ ‘ਤੇ ਨਜ਼ਰ ਮਾਰੀਏ। 

ਭੋਜਨ ਡੋਲ੍ਹਣਾ 

ਸਾਹਿਬ ਨੂੰ ਅਲਜ਼ਾਈਮਰ ਰੋਗ ਹੈ ਅਤੇ ਇੱਕ ਸਾਲ ਪਹਿਲਾਂ ਉਸਦੀ ਪਤਨੀ ਦੀ ਮੌਤ ਤੋਂ ਬਾਅਦ ਉਹ ਆਪਣੇ ਸਭ ਤੋਂ ਵੱਡੇ ਪੁੱਤਰ ਨਾਲ ਰਹਿੰਦਾ ਹੈ। ਹੁਣ ਪਰਿਵਾਰ ਦੀਆਂ ਚਾਰ ਪੀੜ੍ਹੀਆਂ ਹਨ ਜੋ ਇਕੱਠੇ ਮੇਜ਼ ‘ਤੇ ਖਾਣਾ ਖਾਂਦੇ ਹਨ। ਸਾਹਿਬ ਭੋਜਨ ਦੇ ਸਮੇਂ ਨੂੰ ਦਿਨ ਦਾ ਸਭ ਤੋਂ ਵਧੀਆ ਸਮਾਂ ਸਮਝਦਾ ਹੈ। ਹਾਲ ਹੀ ਵਿੱਚ, ਸਾਹਿਬ ਦੇ ਹੱਥ ਕੰਬਣ ਲੱਗ ਪਏ ਹਨ ਅਤੇ ਉਹ ਅਕਸਰ ਮੇਜ਼ ਅਤੇ ਫਰਸ਼ ‘ਤੇ ਭੋਜਨ ਡੋਲ੍ਹ ਜਾਂ ਡੇਗ ਦਿੰਦਾ ਹੈ।