ਭੋਜਨ ਵਿੱਚ ਸੁਧਾਰ ਕਰਨਾ ਅਤੇ ਭਾਰ ਘਟਣ ਨੂੰ ਰੋਕਣਾ

ਡਿਮੈਂਸ਼ੀਆ ਦੇ ਅਖੀਰਲੇ ਪੜਾਵਾਂ ਵਿੱਚ, ਡਿਮੈਂਸ਼ੀਆ ਨਾਲ ਜੀ ਰਹੇ ਵਿਅਕਤੀ ਨੂੰ ਚਬਾਉਣ ਅਤੇ ਨਿਗਲਣ ਵਿੱਚ ਮੁਸ਼ਕਲ ਆ ਸਕਦੀ ਹੈ। ਬੁਢਾਪੇ ਅਤੇ ਡਿਮੈਂਸ਼ੀਆ ਦੇ ਕਾਰਨ ਸੁੰਘਣ, ਸੁਆਦ ਅਤੇ ਦੇਖਣ ਦੀ ਸਮਰੱਥਾ ਵੀ ਘੱਟ ਸਕਦੀ ਹੈ। ਇਹਨਾਂ ਦਾ ਵਿਅਕਤੀ ਦੀ ਸਿਹਤ ‘ਤੇ ਮਾੜਾ ਅਸਰ ਪੈ ਸਕਦਾ ਹੈ। ਡਿਪਰੈਸ਼ਨ ਅਤੇ ਖਾਣ-ਪੀਣ ਦੇ ਪੈਟਰਨ ਵਿੱਚ ਤਬਦੀਲੀਆਂ ਕਰਕੇ ਖਾਣ ਅਤੇ ਪਾਚਨ ਵਿੱਚ ਵਿਗਾੜ ਵੀ ਆ ਸਕਦਾ ਹੈ।

ਆਓ ਇੱਕ ਉਦਾਹਰਨ ‘ਤੇ ਨਜ਼ਰ ਮਾਰੀਏ

ਜ਼ੋਇਆ 9 ਸਾਲਾਂ ਤੋਂ ਡਿਮੈਂਸ਼ੀਆ ਨਾਲ ਜੀ ਰਹੀ ਹੈ ਅਤੇ ਉਸਦੀ ਧੀ, ਪ੍ਰਿਆ ਉਸਦੀ ਦੇਖਭਾਲ ਕਰਦੀ ਹੈ। ਹਾਲ ਹੀ ਵਿੱਚ, ਪ੍ਰਿਆ ਨੇ ਦੇਖਿਆ ਹੈ ਕਿ ਉਸਦੀ ਮਾਂ ਦਿਨ ਵਿੱਚ ਸੌਂਦੀ ਹੈ ਅਤੇ ਆਮ ਭੋਜਨ ਦੇ ਸਮੇਂ ‘ਤੇ ਉਸ ਨੂੰ ਜਗਾਉਣਾ ਅਤੇ ਉਸਦੇ ਭੋਜਨ ਵਿੱਚ ਸਹਾਇਤਾ ਕਰਨਾ ਬਹੁਤ ਮੁਸ਼ਕਲ ਹੁੰਦਾ ਹੈ। ਪ੍ਰਿਆ ਦਾ ਮੰਨਣਾ ਹੈ ਕਿ ਉਸਦੀ ਮਾਂ ਨੂੰ ਭੁੱਖ ਨਹੀਂ ਲੱਗਦੀ ਹੈ ਅਤੇ ਉਸਦੀ ਨੀਂਦ ਵਿੱਚ ਵਿਘਨ ਨਹੀਂ ਪਾਉਣਾ ਚਾਹੁੰਦੀ ਹੈ। ਇੱਕ ਤਾਜ਼ਾ ਜਾਂਚ ਨੇ ਦਿਖਾਇਆ ਕਿ 5 ਹਫ਼ਤੇ ਪਹਿਲਾਂ ਆਖਰੀ ਜਾਂਚ ਤੋਂ ਬਾਅਦ ਜ਼ੋਇਆ ਦਾ ਭਾਰ 2.5 ਕਿਲੋਗ੍ਰਾਮ (ਉਸਦੇ ਸਰੀਰ ਦੇ ਭਾਰ ਦਾ 5%) ਘੱਟ ਗਿਆ ਹੈ।