ਕਿਹੜੀ ਗੱਲ ਡਿਮੈਂਸ਼ੀਆ ਹੋਣ ਦੀ ਸੰਭਾਵਨਾ ਨੂੰ ਵਧਾ ਸਕਦੀ ਹੈ?

ਬਹੁਤ ਸਾਰੀਆਂ ਚੀਜ਼ਾਂ ਡਿਮੈਂਸ਼ੀਆ ਹੋਣ ਦੀ ਸੰਭਾਵਨਾ ਨੂੰ ਵਧਾ ਸਕਦੀਆਂ ਹਨ। ਇਹਨਾਂ ਵਿੱਚੋਂ ਕੁਝ ਜੋਖਮ ਕਾਰਕਾਂ ਤੋਂ ਬਚਿਆ ਜਾ ਸਕਦਾ ਹੈ, ਅਤੇ ਦੂਜਿਆਂ ਤੋਂ ਨਹੀਂ।

ਡਿਮੈਂਸ਼ੀਆ ਲਈ ਸਭ ਤੋਂ ਵੱਡਾ ਜੋਖਮ ਦਾ ਕਾਰਕ ਬੁਢਾਪਾ ਹੈ – ਜਿਵੇਂ-ਜਿਵੇਂ ਕੋਈ ਵਿਅਕਤੀ ਬਜ਼ੁਰਗ ਹੁੰਦਾ ਜਾਂਦਾ ਹੈ, ਉਹਨਾਂ ਨੂੰ ਡਿਮੈਂਸ਼ੀਆ ਹੋਣ ਦੀ ਸੰਭਾਵਨਾ ਵੱਧ ਹੁੰਦੀ ਹੈ।

ਕੁਝ ਜੀਨ ਹਨ ਜਿਨ੍ਹਾਂ ਕਰਕੇ ਡਿਮੈਂਸ਼ੀਆ ਹੋਣ ਦੀ ਵਧੀ ਹੋਈ ਸੰਭਾਵਨਾ ਅਗਲੀ ਪੀੜ੍ਹੀ ਵਿੱਚ ਜਾ ਸਕਦੀ ਹੈ।

ਹਾਲਾਂਕਿ, ਬਹੁਤ ਸਾਰੇ ਜੋਖਮ ਦੇ ਕਾਰਕ ਜੀਵਨਸ਼ੈਲੀ ਨਾਲ ਜੁੜੇ ਹੋਏ ਹਨ, ਅਤੇ ਸਬੂਤ ਦਿਖਾਉਂਦੇ ਹਨ ਕਿ ਅਜਿਹੀਆਂ ਚੀਜ਼ਾਂ ਹਨ ਜੋ ਡਿਮੈਂਸ਼ੀਆ ਹੋਣ ਦੇ ਜੋਖਮ ਨੂੰ ਘਟਾਉਣ ਵਿੱਚ ਮਦਦ ਕਰ ਸਕਦੀਆਂ ਹਨ, ਜਿਨ੍ਹਾਂ ਵਿੱਚ ਸ਼ਾਮਲ ਹਨ:

• ਨਿਯਮਿਤ ਸਰੀਰਕ ਗਤੀਵਿਧੀ।
• ਸਿਹਤਮੰਦ ਖਾਣਾ।
• ਸਿਗਰਟਨੋਸ਼ੀ ਨਹੀਂ ਕਰਨੀ।
• ਘੱਟ ਸ਼ਰਾਬ ਪੀਣੀ।
• ਮਾਨਸਿਕ ਅਤੇ ਸਮਾਜਿਕ ਤੌਰ ‘ਤੇ ਸਰਗਰਮ ਰਹਿਣਾ।